UPSC Topper 2025 : केंद्रीय लोकसेवा आयोगाने (UPSC) जाहीर केलेल्या नागरी सेवा परीक्षा 2024 च्या निकालात शक्ती दुबे यांनी देशात अव्वल क्रमांक पटकावला आहे. ही माहिती मंगळवारी अधिकृतरित्या जाहीर करण्यात आली. दुबे यांनी अलाहाबाद विद्यापीठातून बायोकॅमिस्ट्रीमध्ये बी.एससी. पूर्ण केलं असून, त्यांनी ‘राजकीय शास्त्र व आंतरराष्ट्रीय संबंध’ हे पर्यायी विषय म्हणून निवडले होते.
हर्षिता गोयल आणि आर्चित पाराग अनुक्रमे दुसऱ्या आणि तिसऱ्या स्थानी
दुसऱ्या स्थानावर एम.एस. युनिव्हर्सिटी, बडोद्याची बी.कॉम पदवीधर हर्षिता गोयल असून, त्यांनीही राजकीय शास्त्र व आंतरराष्ट्रीय संबंध हा पर्यायी विषय निवडला होता. तर डोंगरे आर्चित पाराग, जे व्हीआयटी वेल्लोर येथून इलेक्ट्रिकल आणि इलेक्ट्रॉनिक्स इंजिनीअरिंगमध्ये बी.टेक आहेत, त्यांनी तिसरा क्रमांक मिळवला असून त्‍यांचा पर्यायी विषय ‘तत्त्वज्ञान’ होता.
परीक्षेची एकूण माहिती
ही परीक्षा UPSC मार्फत दरवर्षी तीन टप्प्यांत – पूर्वपरीक्षा, मुख्य परीक्षा आणि मुलाखत – घेतली जाते. 2024 ची पूर्वपरीक्षा 16 जून रोजी झाली होती. एकूण 9,92,599 उमेदवारांनी अर्ज केले होते, त्यापैकी 5,83,213 उमेदवारांनी प्रत्यक्ष परीक्षा दिली. त्यातील 14,627 उमेदवार मुख्य परीक्षेस पात्र ठरले आणि सप्टेंबरमध्ये मुख्य परीक्षा घेण्यात आली. त्यातून 2,845 उमेदवार मुलाखतीसाठी निवडले गेले. अखेरीस 1,009 उमेदवारांची शिफारस विविध सेवांसाठी करण्यात आली आहे, ज्यात 725 पुरुष आणि 284 महिला उमेदवारांचा समावेश आहे.
शीर्ष 5 मध्ये 3 महिला उमेदवार
या यशस्वी उमेदवारांमध्ये टॉप 5 मध्ये तीन महिला व दोन पुरुषांचा समावेश आहे. चौथ्या स्थानी गुजरात टेक्नॉलॉजिकल युनिव्हर्सिटी, अहमदाबाद येथून संगणक अभियांत्रिकीमध्ये बी.ई. करणारी शाह मारगी चिराग असून, त्यांनी समाजशास्त्र हा पर्यायी विषय घेतला होता. पाचव्या स्थानावर गुरु गोविंद सिंग इंद्रप्रस्थ युनिव्हर्सिटी, दिल्ली येथून संगणकशास्त्रात बी.टेक केलेले आकाश गर्ग आहेत.
टॉप 25 मध्ये IIT, NIT, JNU, DU, VIT, Allahabad विद्यापीठातील पदवीधर
UPSC ने सांगितलं की टॉप 25 यशस्वी उमेदवारांमध्ये 11 महिला व 14 पुरुष आहेत. त्यांची शैक्षणिक पार्श्वभूमी अभियांत्रिकी, विज्ञान, वाणिज्य, मानवशास्त्र, वैद्यकीय विज्ञान व आर्किटेक्चरपर्यंत विस्तृत आहे. या उमेदवारांनी मुख्य परीक्षेत पर्यायी विषय म्हणून राजकीय शास्त्र, तत्त्वज्ञान, गणित, समाजशास्त्र, भौतिकशास्त्र, तमिळ साहित्य अशा विविध विषयांची निवड केली होती.
अपंगत्व असलेले 45 उमेदवार निवडले
शिफारस झालेल्या उमेदवारांमध्ये 45 अपंग उमेदवारांचाही समावेश आहे, ज्यात 12 अपंग चालणारे, 8 दृष्टिहीन, 16 ऐकण्यास असमर्थ व 9 अनेक अपंगत्व असलेले उमेदवार आहेत.
